Influence: Food, Hormones and the Bodybuilders We Follow
Paritosh Jain · 2 min read
Bhedchaal chal rahi thi, chal rahi hai, aur chalti rahegi. Great thinkers aur social workers aaye aur gaye, magar apne kaam se logon ko influence kar ke gaye.
Lao Tzu ki seekh
Chinese philosopher Lao Tzu ne kaha tha:
Jaise hum sochte hain, waise hamare shabd hote hain. Jaise hamare shabd hote hain, waise hamare karm hote hain. Jaise hamare karm hote hain, usse hamara character banta hai. Aur jaisa hamara character hota hai, usse hamare bhavishya ka nirmaan hota hai.
Main isme ek baat add karna chahta hoon: jaisa hamara bhojan hota hai, waise hamare hormones hote hain, aur hormones hamare thoughts ko affect karte hain.
Hormones aur mood
Maine notice kiya hai ki periods ke dauran mood kitna badal jaata hai: chhoti baaton par bhi chidchidapan ya gussa aa jaata hai. Ya jab aap office se thake hue aate ho aur energy low hoti hai, tab chhoti si baat bhi buri lag jaati hai.
Isliye bhojan sahi karo, aur zyaadatar cheezein sahi hone lagengi. Geeta mein bhi saatvik, raajsik aur taamsik bhojan ka ullekh hai. Kai log misconception mein rehte hain ki saatvik food ka matlab sirf phal aur sabzi hai, aur bahut zyaada fruit kha kha kar fatty liver tak develop kar lete hain. Saatvik ka matlab santulit, taaza, ghar ka bana khana hai.
Hum kisse influence ho rahe hain?
Aaj kal hum bodybuilders se bahut influence ho rahe hain. Bahut se bodybuilders gareeb ya lower middle class families se aate hain. Aap unhe protein supplements ka advertisement karte dekhte ho aur sochte ho ki shuruaat mein woh bhi yahi khaate honge. Nahi bhai, unke paas shuruaat mein itna paisa hi nahi tha ki aise supplements khareed paate.
Arnold, Bhuwan Chauhan, Mukesh Gahlot, Manoj Patil, Jay Cutler: in sab ne apni shuruaat simple background se ki. Woh jo hain, apni mehnat aur achhe genetics ki wajah se hain.
Toh karna kya hai?
Achhi sehat ke liye ghar ka paka khana zyaada khao, nani-dadi ke aazmaaye hue anupaat mein. Hamare ghar ke khaane mein kisi cheez ki kami nahi hai. Bas hum sahi khaana, sahi samay par aur sahi ratio mein nahi khaate.
— Paritosh Jain
Want a plan made for you?
Book a consult